«Արփի լիճ» ազգային պարկը ստեղծվել է 2009 թվականին Կառավարության որոշմամբ: Նպատակը մեկն էր. Շիրակի մարզի Եղանխաղի եւ արեւելյան Ջավախքի լեռնաշղթաների հարավարեւմտյան լանջերի ու ու դրանց միջեւ ընկած մարգագետնատափաստանային, մերձալպյան մարգագետնային եւ խոնավ տարածքների էկոհամակարգերի, այդ թվում՝ Արփի եւ Արդենիս լճերի ու Ախուրյան գետի վերին հոսանքի ձախակողմյան վտակների ավազանների, լանդշաֆտային ու կենսաբանական բազմազանության, բնության հուշարձանների ու դրանց բաղադրիչների պահպանությունը, բնականոն զարգացումը, վերարտադրությունն ու կայուն օգտագործումն ապահովելը: