Արցախում ավարտվել է ռուս խաղաղապահներին «Սպուտնիկ V»-ի երկրորդ բաղադրիչով պատվաստումը

Ռուսաստանի խաղաղապահ զորակազմի ռազմական բուժաշխատողներն ավարտել են Արցախում ռուսական զորակազմի՝ «Սպուտնիկ V» պատվաստանյութի երկրորդ բաղադրիչով պատվաստումը: Այս մասին տեղեկանում ենք ՌԴ ՊՆ կայքից:

Ըստ ժամանակացույցի՝ պատվաստվել է ավելի քան 1900 ռուս զինծառայող: Կորոնավիրուսային նոր վարակի դեմ առաջին պատվաստանյութը ստացել են Ռուսաստանի խաղաղապահ զորախմբի հրամանատարության ներկայացուցիչները, ինչպես նաև հատուկ նշանակության բժշկական ջոկատների զինծառայողները:

Պատվաստումն իրականացվել է կամավոր հիմունքներով ինչպես շարժական դաշտային հիվանդանոցում, այնպես էլ բժշկական խմբերի կողմից բոլոր դիտակետերում, ուր պատվաստանյութը հասցվել է հատուկ ջերմային տարաներով, որոնք փոխադրման ժամանակ ապահովել են պատվաստանյութի անվտանգությունը:

Related posts

Մի խումբ անձանց կողմից ապօրինի ստեղծվել և ԶԼՄ-ներում տարածվել է ՀՀ Վարչապետին վերագրվող կեղծ ձայնագրություն. նախաձեռնվել է քրեական վարույթ

Իրավապահները գործողություններ են իրականացնում Շիրակի թեմի առաջնորդարանում

Իշխանազավթման ու ահաբեկչության առնվազն 5 փորձ՝ Փաշինյանի կառավարման 7 տարում