Այսօր Բնապահպանության և ընդերքի տեսչական մարմինը տեղեկատվություն է ստացել, որ Դեբեդ գետում նկատվել են արտադրական աղտոտման հետքեր։
Տեսչական մարմնի Լոռու տարածքային բաժնի աշխատակիցների ձեռնարկած միջոցառումների արդյունքում պարզվել է, որ հուլիսի 27-ին՝ ժամը 23։30-ի սահմաններում, «Ախթալա ԼՀԿ» ՓԲԸ-ի «Նահատակ» պոչամբարի խողովակաշարի թիվ 3 թունելում տեղի է ունեցել վթար, որի հետևանքով առաջացել է արտահոսք դեպի Դեբեդ գետ։
Շրջակա միջավայրին հասցված վնասի չափը պարզվում է։
Նյութերն ուղարկվել են իրավապահ մարմիններին։ Վթարը վերացվել է հուլիսի 28-ին՝ ժամը 14։00-ին։