Մարտի 21-ին՝ ժամը 19-ին, ոստիկանության Աշտարակի բաժնում հաղորդում է ստացվել, որ «Աշտարակ» բժշկական կենտրոնի բակում հրկիզել են Արագածոտնի մարզի դատաբժշկական փորձագետի «Կիա» մակնիշի ավտոմեքենան։
Աշտարակի քրեական հետախույզների ձեռնարկած միջոցառումների արդյունքում օպերատիվ տվյալներ ստացվեցին, որ հրկիզման եղանակով դատաբժշկի ավտոմեքենան վնասել էր Արթիկ քաղաքի 34-ամյա մի բնակիչ։
Նա հայտնաբերվել է և բերման ենթարկվել ոստիկանության Աշտարակի բաժին։
Տղամարդը խոստովանական բացատրություն է տվել, որ ժամը 12.45-ի սահմաններում ինքն է հրկիզել մեքենայի առջևի հատվածը:
Դեպքի հանգամանքները պարզվում են։
Կատարվում է քննություն։