Թիվ 31 ՏԸՀ համապատասխան որոշմամբ այսօր գրանցվել են հոկտեմբերի 17-ին կայանալիք Գյումրու Տիմ ընտրություններին մասնակցելու համար փաստաթղթեր ներկայացրած 3 դաշինք եւ 7 կուսակցություն :Ինչպես տեղեկացրել է 31 ՏԸՀ նախագահ Տիգրան Ղազարյանը, որոշ տեխնիկական թերություններ իրենց կողմից հայտնաբերվել են քաղաքական ուժերի ներկայացրած փաստաթղթերում, բայց դրանք լրացվել ու շտկվել են : Թեեւ քաղաքական ուժերի ու նրանց համամասնական ցուցակներով ներկայացված ավագանու թեկնածուների գրանցման գործընթացի վերջնաժամկետը սեպտեմբերի 17-ն էր, բայց հանձնաժողովի անդամները, թերությունների բացակայության պատճառով առարկություններ չեն ունեցել եւ 10 քաղաքական ուժի գրանցումն այսօր են ավարտել:Իսկ արդեն սեպտեմբերի 18-ին ժամը 11:00-ին վիճակահանության եղանակով կորոշվի կուսակցությունների եւ դաշինքների հերթական համարը քվեաթերթիկում: