Աշխատանքի և սոցիալական հարցերի նախարար Նարեկ Մկրտչյանը ներկայացրել է Լեռնային Ղարաբաղից բռնի տեղահանվածներին 100 հազարական դրամ միանվագ գումար հատկացնելու գործընթացի իրականացման մանրամասները:
Նախարարն ընդգծել է, որ բանկային և կենսաթոշակային քարտեր ունեցող անձանց գումարը կտրվի փոխանցումով, իսկ այն անձինք, ովքեր չունեն բանկային քարտեր, ապա Հայփոստի բաժանմունքներից կստանան գումարը: Նա նշել է, որ առաջիկա օրերին ավելի հստակ կներկայացվի, թե երբ, ինչպես և որտեղից կարելի է այդ աջակցությունն ստանալ, քանի որ ակտիվ աշխատանքներ են տարվում տեխնիկական լուծումների ուղղությամբ: