Ապրիլյան պատերազմի հերոս, ժամկետային զինծառայող գյումրեցի Տիգրան Աբգարյանը կդառնար 26 տարեկան: 2016 թվականի Ապրիլյան քառօրյայում Տիգրանը կերտեց իր հերոսական ուղին: Նա տանկիստ էր. հերոսն իր տանկով մխրճվել էր հակառակորդի տանկերի մեջ, խոցել թշնամու երեք տանկ ու ինքն էլ նահատակվել: Այսօր հարազատ կրթօջախում՝ Շիրակի տարածաշրջանային պետական քոլեջում, դասախոս ու ուսանող բոլորը հիշում եւ խոնարհվում են հերոսի հիշատակին: Նշենք, որ ցերեկույթն իրականացվեց քոլեջում՝ 2019 թվականին Տիգրանի պատվին անվանակոչված նախնական զինվորական պատրաստության դասասենյակում, որտեղ ներկա էր նաեւ Աբգարյանների ընտանիքը: