Ադրբեջանի հարձակման հետևանքվ այս պահին հաստատված երկու քաղաքացիական զոհ կա, լրագրողների հետ հանդիպմանն ասաց Արցախի Հանրապետության մարդու իրավունքների պաշտպան Արտակ Բեգլարյանը։
«Վիրավորների առումով թվերը ճշտվում են, այս պահի դրությամբ՝ 30-ից ավելի, բայց, կարծում եմ, թիվը մեծանալու է», – ասաց նա։
Արտակ Բեգլարյանը նշեց, որ ավելի քան 50 բնակավայր թիրախի տակ է եղել։
«Այդ բնակավայրերի մեջ ներառյալ բոլոր քաղաքները՝ Ստեփանակերտը, Շուշին, Մարտունին, Ասկերանը, Քարվաճառը, Բերձորը, դրա հետևանքով դեռևս մեր փաստահավաք առաքելությունը համապաստախան փաստերը ճշտում է», – ասաց նա։
ԱՀ ՄԻՊ-ի խոսքով՝ այս պահի դրությամբ մի քանի հարյուր անշարժ գույքի ու ենթակառուցվածքների վնաս կա՝ ճանապարհներ, գազի խողովակներ, ջրատար խողովակներ, բավականին շատ բնակարաններ։