ԱՄՆ Սենատի հատկացումների հանձնաժողովը հրապարակել է 2022 թ. հատկացումների մասին օրինագծերը, որոնցում ներառված է Արցախին 2 միլիոն դոլարի օգնություն տրամադրելու առաջարկությունը՝ հայտնում է Ամերիկայի հայկական համագումարը:
«Կոմիտեն առաջարկում է մինչև 2 000 000 դոլար հատկացնել հումանիտար ականազերծման և չպայթած զինամթերքի ոչնչացման համար Լեռնային Ղարաբաղի հակամարտության հետևանքով տուժած տարածքներում՝ հատկացումների հանձնախմբերի հետ նախնական խորհրդակցության դեպքում»,- ասվում է տեղեկատվության մեջ:
Զեկույցը նաև կոչ է անում մարդասիրական օգնություն ցուցաբերել Լեռնային Ղարաբաղի հակամարտության հետևանքով տեղահանվածներին: Բացի դրանից՝ Կոմիտեն շարունակում է մտահոգվել ձգձգվող հակամարտությամբ և պետքարտուղարին խնդրել է խորհրդակցել Հատկացումների կոմիտեի հետ՝ նախքան Հայաստանին և Ադրբեջանին օգնություն հաստատելը: