Ռոդ Այլենդ նահանգի Փրովիդենս քաղաքի Բրաունի համալսարանում կրակոցներ են տեղի ունեցել:
Հրաձիգի ճակատագրի վերաբերյալ հակասական տեղեկություններ կան։
Associated Press-ը, հղում անելով աղբյուրին, հայտնել է, որ երկու մարդ զոհվել է։ Քաղաքապետ Բրեթ Սմայլին հաստատել է այս տեղեկությունը՝ հավելելով, որ ութ մարդ գտնվում է ծանր վիճակում։ Ավելի ուշ նա պարզաբանել է, որ կրակոցների հետևանքով վիրավորվել է ինը մարդ։
ԱՄՆ նախագահ Դոնալդ Թրամփը սկզբում հայտարարել է, որ կրակողը ձերբակալվել է, սակայն ավելի ուշ հերքել է դա։ ՀԴԲ-ն նշել է, որ կրակողի որոնումները շարունակվում են։
Փրովիդենսի ոստիկանությունը հայտարարել է, որ դեռևս չգիտի՝ կրակոցը կապված է միջազգային ահաբեկչության հետ, թե ոչ։