ԱՄՆ-ը հարվածներ է հասցրել Հոդեյդայի ուղղությամբ. հութիների ռազմածովային ուժերի հրամանատարը վիրավորվել է. ԶԼՄ-ներ

ԱՄՆ Զինված ուժերը երեք հարված են հասցրել Հոդեյդա քաղաքի օդանավակայանին, որը գտնվում է Եմենի արևմուտքում: Այս մասին հայտնել է Al Massira հեռուստաալիքը, որը վերահսկվում է «Անսար Ալլահ» շարժման հութիների կողմից։

Al Hadath հեռուստաալիքի տեղեկատվության համաձայն՝ հարվածների թիրախը եղել են ապստամբների կողմից օգտագործվող զենքի պահեստները, ինչպես նաև Հոդեյդայի օդանավակայանում տեղակայված հրթիռների և անօդաչու թռչող սարքերի արձակման կայանքները:

Եմենի ապստամբ «Անսար Ալլահ» շարժման ռազմածովային ուժերի հրամանատար Մանսուր աս-Սաադին վիրավորվել է Հոդեյդա քաղաքի վրա ԱՄՆ-ի հարվածների հետևանքով: Այս մասին հայտնել Է Al Hadath հեռուստաալիքը՝ հղում անելով իր աղբյուրներին։

Հեռուստաալիքի զրուցակիցների պնդմամբ՝ ԱՄՆ-ն հարվածներ է հասցրել Կարմիր ծովի ափին գտնվող Հոդեյդա քաղաքի հութիների ծովային բազայի ուղղությամբ: Գնդակոծության հետևանքով վիրավորվել են աս Սաադին և ևս յոթ ապստամբներ։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում