ԱՄՆ նախագահ Դոնալդ Թրամփը հայտարարել է Իրանի միջուկային օբյեկտների դեմ ամերիկյան բանակի գործողության մասին:
Համապատասխան գրառումը ԱՄՆ նախագահը կատարել է Truth Social սոցցանցի իր էջում:
«Մենք ավարտեցինք շատ հաջող հարձակումն Իրանի 3 միջուկային օբյեկտի դեմ, ներառյալ՝ Ֆորդոյի, Նաթանզի ու Սպահանի»,- գրել է նա:
Axios պորտալը, վկայակոչելով իսրայեցի պաշտոնյաներից մեկին, հայտնել է, որ Թրամփի վարչակազմը նախօրոք տեղեկացրել է Իսրայելին Իրանին հասցվելիք հարվածի մասին:
Թրամփն ավելի ուշ Truth Social սոցցանցում ամերիկյան հարվածները իրանական միջուկային օբյեկտներին անվանել է «պատմական պահ» ԱՄՆ-ի, Իսրայելի ու ողջ աշխարհի համար: