Ապրիլի 22-ին Ադրբեջանի նախագահ Իլհամ Ալիևը ՌԴ նախագահ Վլադիմիր Պուտինի հրավերով աշխատանքային այցով ժամանել է Մոսկվա։
Մոսկվայի «Վնուկովո-2» միջազգային օդանավակայանում նրան դիմավորել են ՌԴ փոխարտգործնախարար Միխայիլ Գալուզինը, պաշտոնատար այլ անձինք։
Ինչպես հաղորդում է Կրեմլի մամուլի ծառայությունը, Մոսկվայում Ռուսաստանի և Ադրբեջանի նախագահներ Պուտինի և Ալիևի հանդիպման ժամանակ «կողմերը նախատեսում են դիտարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման առանցքային հարցերը, ինչպես նաև կարծիքներ փոխանակել տարածաշրջանային արդի հարցերի շուրջ»։
Բացի այդ, երկու երկրի ղեկավարները կհանդիպեն Բայկալ-ամուրյան մայրուղու շինարարության վետերանների հետ, որի կառուցումը վերահսկում էր Իլհամ Ալիևի հայրը՝ Հեյդար Ալիևը (այն ժամանակ՝ ԽՍՀՄ Նախարարների խորհրդի նախագահի առաջին տեղակալ):