Ադրբեջանի նախագահ Իլհամ Ալիևը շնորհավորել է Միացյալ Նահանգների նախագահ Ջո Բայդենին ԱՄՆ-ի անկախության օրվա առիթով։
«Մենք բարձր ենք գնահատում ԱՄՆ-ի ջանքերը հայ-ադրբեջանական հարաբերությունները նորմալացնելու գործում, խաղաղության համաձայնագիրը նախապատրաստելու գործընթացում՝ հիմնված միջազգային իրավունքի նորմերի ու սկզբունքների վրա», – գրել է Ալիևը՝ նշելով, որ ներկայումս բարենպաստ պայմաններ են ձևավորվել Հարավային Կովկասում կայուն խաղաղություն հաստատելու համար։
«Ադրբեջանի և ԱՄՆ-ի միջև հարաբերությունները դինամիկ զարգանում են բարեկամության և համագործակցության վրա հիմնված, մի շարք ոլորտներում հասնելով ռազմավարական համագործակցության մակարդակի», – նշված է Ալիևի շնորհավորական նամակում։
Նա մասնավորապես ընդգծել է էներգետիկ ոլորտում համագործակցությունը՝ նշելով, որ Միացյալ Նահանգները բոլոր փուլերում վճռականորեն և հետևողականորեն պաշտպանել է Ադրբեջանի էներգետիկ ռազմավարությունը։ «Մենք հատուկ գնահատում ենք մեր երկրների սերտ համագործակցությունը էներգետիկ անվտանգությունն ապահովելու գործում և ԱՄՆ-ի բազմակողմանի աջակցությունը մեր կողմից իրականացվող մասշտաբային տրանսպորտային ծրագրերին», – նշել է Ալիևը։