Ադրբեջանում ընթանում է Վագիֆ Խաչատրյանի դատավճռի դեմ վերաքննիչ բողոքի քննությունը

Բաքվի վերաքննիչ դատարանը քննել է շինծու գործով 15 տարվա ազատազրկման դատապարտված  Վագիֆ Խաչատրյանի դատավճիռը։

Խաչատրյանի փաստաբան Ռադմիլա Աբիլովան հայտարարել է, որ իր պաշտպանյալը համաձայն չէ Բաքվի ռազմական դատարանի դատավճռին, որով նա դատապարտվել է 15 տարվա ազատազրկման, և պահանջել է արդարացնել իրեն։

Այնուհետև խոսել է հենց ինքը՝ Վագիֆ Խաչատրյանը՝  ասելով, որ ինքը և իր պաշտպանը վերաքննիչ բողոք են ներկայացրել։

Ըստ ադրբեջանական լրատվամիջոցների փոխանցման՝ Խաչատրյանը նշել է․

«Ես այդ մարտերին չեմ մասնակցել, ես անմեղ եմ։ Ես այնտեղ չէի և ոչ մեկին չեմ տեսել։ Ինձ բերման են ենթարկել Լաչինի միջանցքում։ Խնդրում եմ ազատել ինձ»։

Պետական մեղադրող Տարանա Մամեդովան խնդրել է  չբավարարել բողոքը։

Դատավարությունը կտևի մինչեւ հունվարի 15-ը։

Հիշեցնենք, որ 2023թ․-ի նոյեմբերի 7-ին Վագիֆ Խաչատրյանը Բաքվում շինծու գործով դատապարտվել է 15 տարվա ազատազրկման «ցեղասպանություն իրականացնելու համար» (չակերտները՝ Iravaban.net-ի)։ Չնայած իր դեմ ճնշումներին՝ Խաչատրյանը դատական նիստերում պարբերաբար հայտարարում էր, որ որևէ հանցանք չի գործել և իրեն մեղավոր չի ճանաչում։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում