Ադրբեջանական դիրքից կրակ է արձակվել Սարուշենի հողատարածքներում գյուղատնտեսական աշխատանքներ կատարող անձանց ուղղությամբ

Նոյեմբերի 16-ին՝ ժամը 14:30-ին, Ասկերանի շրջանի Սարուշեն գյուղի 36-ամյա բնակիչը ոստիկանության Մարտունու շրջանային բաժնի Կարմիր շուկայի բաժանմունք է դիմել այն մասին, որ ժամը 11:40-ի սահմաններում Ամարասի հովտում գտնվող Ասկերանի շրջանի Սարուշեն համայնքին պատկանող գյուղատնտեսական հողատարածքներում աշխատանքներ իրականացնելիս, ադրբեջանական բանակի ծառայողները հարակից մարտական դիրքից հրաձգային տարբեր զինատեսակներից անկանոն կրակ են բացել դաշտում աշխատող քաղաքացիների ուղղությամբ։

Հրադադարի ռեժիմի խախտման պատճառով դադարեցվել են գյուղատնտեսական աշխատանքները:

Քաղաքացիական անձանց շրջանում տուժածներ չկան։

Դեպքի մասին ոստիկանությունը տեղեկացրել և համապատասխան նյութեր է տրամադրել ռուսական խաղաղապահ զորակազմին։

Ստուգմամբ զբաղվում է ոստիկանության Մարտունու շրջանային բաժինը։

Related posts

Անհայտ կորածի ընտանիքները ևս 2 ամիս սոցիալական աջակցություն կստանան ամսական 300 հազար դրամի չափով

Փաշինյան-Ալիև հանդիպումն ավարտվել է

Սպասվում է կարճատև անձրև ու ամպրոպ. ջերմաստիճանը աստիճանաբար կբարձրանա