Սոցցանցերում տարածված տեղեկությունների համաձայն՝ ֆրանսիական նորաձևության տուն Dior-ը կարող է վերադառնալ ռուսական շուկա։ Տեղեկությունը տարածել է «Банкстер с опытом» տելեգրամյան ալիքը՝ նշելով, որ ընկերությունը հետաքրքրված է նախկին շահութաբերության վերականգնմամբ։
Հիշեցվում է, որ մինչ շուկայի լքումը Dior-ի ռուսաստանյան բիզնեսը տարեկան ապահովում էր մոտ 1,5 մլրդ ռուբլու շրջանառություն։
Պաշտոնական հայտարարություն ընկերության կողմից առայժմ չի հրապարակվել, ուստի շուկայի մասնակիցները սպասում են լրացուցիչ պարզաբանումների։ Փորձագետները նշում են, որ արտասահմանյան բրենդների հնարավոր վերադարձը կարող է պայմանավորված լինել ինչպես պահանջարկի վերականգնմամբ, այնպես էլ փոխված տնտեսական և լոգիստիկ պայմաններով։
Վերլուծաբանների գնահատմամբ՝ եթե Dior-ը կամ այլ խոշոր լյուքս բրենդներ վերադառնան, դա կարող է ազդել ինչպես մանրածախ առևտրի հատվածի, այնպես էլ պրեմիում սպառողական շուկայի մրցակցային միջավայրի վրա։