Գաղտնիք չէ, որ հայազգի բազմաթիվ գյուտարարների շնորհիվ մարդկության կյանքն ավելի է հեշտացել։ Սակայն ոչ բոլորին է տրված իրենց ստեղծագործ մտքերն ու նորարարական գաղափարները հասցնել կիրառության։ Շատերը մնում են թղթի վրա՝ անտեսված պետական կառույցների կողմից կամ ֆինանսական միջոցների բացակայության պատճառով։ Այդպիսի չիրագործված, բայց մեծ ներուժ ունեցող գյուտերից մեկը ծնվել է Գյումրիում։ Գյումրու 7-ի դար թաղամասում ապրում է Սամվել Մանուկյանը՝ ինժեներ և պանրի տեխնոլոգիայի ոլորտի գյուտարար: Այսօր նա արդեն 80 տարեկան է, սակայն շարունակում է նույն վճռականությամբ պայքարել, որպեսզի իր մշակած գաղափարները կյանքի կոչվեն։