Կառավարության որոշմամբ Արագածոտնի, Արարատի, Արմավիրի, Գեղարքունիքի, Շիրակի, Սյունիքի և Տավուշի մարզպետների աշխատակազմերին հատկացվեց 1 մլրդ 670 մլն դրամ 22 սուբվենցիոն ծրագրերի իրականացման համար:
Նիկոլ Փաշինյանը, խոսելով սուբվենցիոն ծրագրերով կատարված աշխատանքների մասին, մասնավորապես նշեց, որ Շիրակի մարզի Գյումրի համայնքի տիկնիկային թատրոնի շենքի վերանորոգման աշխատանքների 85 տոկոսը կատարված է: Սյունիքի մարզի Մեղրի համայնքի Մեղրի բնակավայրի մանկապարտեզի հիմնանորոգման ծրագիրն ավարտված է: Տավուշի մարզի Բերդ խոշորացված համայնքի Չինարի բնակավայրի ոռոգման համակարգի սնուցման համար ինքնահոս ջրի մատակարարման ծրագիրը ևս ավարտված է: