Դատատեսաձայնագրային և դիմանկարային փորձաքննությունը հաստատել է՝ աղմկահարույց տեսանյութերում Արշակ արքեպիսկոպոս Խաչատրյանն է։ Այս մասին FactorTV-ի գրավոր հարցմանն ի պատասխան հայտնել են Քննչական կոմիտեից.
«Արշակ արքեպիսկոպոս Խաչատրյանի անձնական կյանքի գաղտնիությունը խախտելու դեպքի առթիվ ՀՀ քննչական կոմիտեի ՀԿԳ քննության գլխավոր վարչությունում իրականացվող քրեական վարույթով նշանակվել և ստացվել է դատատեսաձայնագրային և դիմանկարային փորձաքննության եզրակացությունը, համաձայն որի՝ հաստատվել է տեսանյութերում Արշակ արքեպիսկոպոս Խաչատրյանի պատկերված լինելու հանգամանքը»։
Հարցին՝ արդյո՞ք այս եզրակացությունը տրամադրվել է արքեպիսկոպոսին և տեսանյութերն ուսումնասիրող հանձնախմբի անդամներին, ՔԿ-ից դրական պատասխան են տվել. «Նշված եզրակացության պատճենը տրամադրվել է Մայր Աթոռ Սուրբ Էջմիածնում հիշյալ տեսանյութերի ուսումնասիրման նպատակով ստեղծված հանձնախմբի անդամներից մեկին, քանի որ այն իրավաչափորեն առնչվել է հանձնախմբի շահերին»։
Հիշեցնենք՝ շաբաթներ առաջ համացանցում ինտիմ տեսանյութեր էին տարածվել, որոնք վերագրվել էին Արշակ արքեպիսկոպոս Խաչատրյանին։
Ամբողջական հոդվածը՝ սկզբնաղբյուր կայքում: