Մարտի 4-ից 5-ը ԱԻՆ ՓԾ ճգնաժամային կառավարման ազգային կենտրոնում 16 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Մասնավորապես՝ Գեղարքունիքի մարզի Սևան, Կոտայքի մարզի Հրազդան քաղաքներում, Շիրակի մարզի Վարդաղբյուր, Թավշուտ, Կրաշեն, Արագածոտնի մարզի Վարդենիս և Ծաղկահովիտ գյուղերում, Կրասար-Աշոցք, Հողմիկ-Ջրաձոր, Մարտունի-Գետափ, Լուսաշող-Լանջառ ավտոճանապարհներին և Վարդենյաց լեռնանցքում:
Դեպքի վայր ժամանած փրկարարներն արգելափակումից դուրս են բերել 36 ավտոմեքենա և 31 քաղաքացու ցուցաբերել համապատասխան օգնություն: