«Սպասվում է, որ երեքշաբթի Էր Ռիադում նրանք կհանդիպեն իրենց ամերիկացի գործընկերների հետ, որն առաջին հերթին նվիրված կլինի ռուս-ամերիկյան հարաբերությունների ամբողջ համալիրի վերականգնմանը»,- ասել է Պեսկովը, փոխանցում է РИА Новости-ն։
Այդ բանակցություններում, մասնավորապես, կշոշափվի ուկրաինական հակամարտության կարգավորման հարցը։ Պուտինի խոսնակը նշել է, որ երկու ամիս առաջ երկրների մեծ մասը, բացառությամբ Ռուսաստանի և նրա դաշնակիցների, պնդում էր հակամարտությունը շարունակելու մասին, այժմ ավելի ու ավելի են հնչում դրա դադարեցման կոչերը։ Ըստ նրա՝ դա դրական զարգացում է։
Կրեմլի ներկայացուցիչը բացատրել է բանակցությունների համար երկրի ընտրությունը՝ այն անվանելով համատեղ որոշում։ Նրա խոսքով՝ Սաուդյան Արաբիան երկու կողմի համար նախընտրելի տարբերակ է։
Կրեմլը նաև նշել է, որ ռազմական գործողություններն Ուկրաինայում շարունակվում են, և փորձագետներն ուշադիր արձանագրում են դրա դինամիկան։ Պեսկովի խոսքով՝ առայժմ ավելացնելու ոչինչ չկա։