Երբ գեղանկարիչ Սամվել Գալստյանը Գյումրու Մերկուրովի անվան նկարչական դպրոցի տնօրենի պաշտոնը թողեց՝ կենսաթոշակի անցնելու պատճառով, նա երեւակայել անգամ չէր կարող, որ շուտով դառնալու է «Տնակային ակադեմիայի» հիմնադիր: Նրա սաները հաստատապես որոշեցին, որ նկարչական դասընթացները շարունակելու են իրենց ուսուցչի մոտ: Ուսուցիչն հաճույքով ընդառաջ գնաց նրանց ցանկությանը, ու իր տնակի մի մասն ինքնաբերաբար վերածվեց նկարչական դասարանի: