Աշնան ամիսներին Հայաստանի բազմաթիվ համայնքներում կրկին ակտիվանում է տերևների և բուսական մնացորդների այրման խնդիրը։ Չնայած այն, որ այս գործողությունը օրենքով արգելված է և ունի լուրջ առողջական ու էկոլոգիական հետևանքներ, շատերը շարունակում են այն կիրառել որպես տարածքը մաքրելու «արագ» միջոց։ ՀՀ Շրջակա միջավայրի նախարարությունը և ՀՀ ԱՆ Հիվանդությունների վերահսկման և կանխարգելման ազգային կենտրոնը այս օրերին կրկին ուշադրության կենտրոնում են դնում խնդիրը՝ ներկայացնելով տերևների այրման վտանգները։
Միևնույն ժամանակ, Գյումրիում անցկացված հարցախույզերը ցույց են տալիս, որ բնակչության շրջանում էկոլոգիական գիտելիքներն ու մոտեցումները զգալիորեն տարբերվում են։