«Մենք Եվրոպայում քաղաքական համագործակցության նոր ձևաչափ ենք ստեղծում Ուկրաինայի, Մեծ Բրիտանիայի և Լեհաստանի միջև»,- ասել է Ուկրաինայի նախագահ Վոլոդիմիր Զելենսկին՝ ելույթ ունենալով Գերագույն ռադայի հերթական նստաշրջանի բացման ժամանակ։ Ենթադրվում է, որ համապատասխան պայմանավորվածությունները կամրապնդվեն Մեծ Բրիտանիայի և Լեհաստանի վարչապետներ Բորիս Ջոնսոնի ու Մատեուշ Մորավեցկու՝ Կիև այցի ընթացքում՝ տեղեկացնում է ТАСС-ը։
Զելենսկին նաև ասել է, որ դիվանագիտական աջակցությունն Ուկրաինային ամենաբարձր մակարդակի վրա է 2014 թվականից ի վեր։ Միաժամանակ նա հավելել է, որ իր երկիրը «գնահատում է բոլորի աջակցությունը, բայց հույսը դնում է միայն իր վրա»։
Ռադայի առաջին փոխխոսնակ Ալեքսանդր Կորնիենկոն լրագրողներին ասել է, որ Ուկրաինայի, Մեծ Բրիտանիայի և Լեհաստանի նոր միությունը չի ընկալվում որպես այլ դաշինքների՝ ՆԱՏՕ-ի կամ ԵՄ-ի այլընտրանք։