Խարթումում գնդակոծել են Թուրքիայի դեսպանատան մեքենան։ Լրատվամիջոցների հաղորդմամբ՝ միջադեպի հետևանքով զոհեր և վիրավորներ չկան:
Սուդանի արագ արձագանքման ուժերը տեղի ունեցածի համար մեղադրել են զինված ուժերին: Նշվում է, որ թուրքական դիվանագիտական առաքելության շենքերը գտնվում են զինված ուժերի վերահսկողության տակ:
Հատուկջոկատայինները հաստատել են իրենց հանձնառությունը դիվանագիտական առաքելությունների պաշտպանությանը՝ Ժնևի կոնվենցիային և բոլոր միջազգային համաձայնագրերին համապատասխան: