«Սահարայի անապատ՝ խոստացված Լաս Վեգասի փոխարեն». բողոքում են գյումրեցիները

Ո՛չ Լաս Վեգասը, ո՛չ էլ Սահարայի անապատը չէ սա, Գյումրու Արեւելյան թաղամասում ենք, որը քաղաքի օդանավակայանի անմիջապես հարեւանությամբ է գտնվում։ Բնակիչների խոսքով՝ 2022 թվականին թաղամասում նոր ջրագծերի անցկացումից հետո առանց այդ էլ երկար տարիներ ասֆալտապատում չտեսած փողոցները վերածվեցին ջրափոսերի, իսկ մայթերն ու շենքերի բակերը՝ ցեխակույտերի։