Ռուսական նավթով բեռնված առնվազն չորս տանկեր կանգնած է Հնդկաստանի արևմտյան ափերի մոտ, հաղորդում է Bloomberg-ը։ Դրանցից երկուսը գտնվում է Եվրամիության և Մեծ Բրիտանիայի պատժամիջոցների տակ։ ԱՄն նախագահ Դոնալդ Թրամփն էլ իր հերթին սպառնացել է 100 տոկոսանոց մաքսատուրքեր սահմանել Ռուսաստանից նավթ գնող երկրների համար։ Մոսկվայի առևտրային գործընկերների թվում է նաև Հնդկաստանը:
Թրամփի սպառնալիքներից հետո Հնդկաստանի իշխանությունները դիմել են նավթավերամշակող ընկերություններին՝ խնդրելով մշակել և ներկայացնել այլ երկրներից նավթ գնելու ծրագրեր: Նշվում է, որ պետական նավթավերամշակման գործարանները վերահսկում են Հնդկաստանի այդ ոլորտի ընդհանուր հզորության ավելի քան 60 տոկոսը։
Հնդկաստանը աշխարհում նավթի երրորդ խոշորագույն ներմուծողն է և ծովով մատակարարվող ռուսական նավթի ամենամեծ գնորդը։