Երկրորդ նախագահ Ռոբերտ Քոչարյանը և նրա նախկին ենթակաները՝ Սեյրան Օհանյանը, Յուրի Խաչատուրովը, Արմեն Գևորգյանը, ներկայացել են դատարան: Նախորդ նիստին դատարանը Քոչարյանին, Խաչատուրովին և Օհանյանին բերման ենթարկելու որոշում էր կայացրել՝ այն հանձնարարելով Հայաստանի ոստիկանապետին:
Դատարանում նաև ոստիկաններ կան:
Նիստը սկսվելուն պես դատավորը հարցրեց․ «Ձեր ազատությունը սահմանափակվե՞լ է»։ Քոչարյանն ասաց՝ հարցը չի հասկանում: Պնդող հարցին ի պատասխան՝ ասաց՝ ազատությունը չի սահմանափակվել:
Չի սահմանափակվել նաև Օհանյանի, Խաչատուրովի ազատությունը: