Շիրակի մարզի Աշոցք համայնքում լայնածավալ շինարարական ծրագրեր են ընթանում՝ շուրջ 3 միլիարդ դրամի ներդրումներով։ Իրականացվում են ճանապարհաշինություն, դպրոցաշինություն, գազաֆիկացում, ջրագծերի հիմնանորոգում և այլ ենթակառուցվածքային աշխատանքներ։ Շիրակի մարզպետ Դավիթ Առուշանյանը, համայնքի ղեկավար Կարեն Մանուկյանի ուղեկցությամբ, աշխատանքային այցի շրջանակում դիտարկել է ընթացող շինարարական նախագծերը։