Ախուրյանի մոր եւ մանկան առողջության կենտրոնում հունիսի 4-ին՝ կեսգիշերնանց, եռյակ է ծնվել՝ 3 արու զավակ: 31-ամյա կինը 3-րդ անգամ է ծննդաբերում, մեկ աղջիկ ունի ու մեկ տղա, հիմա ընտանիքը համալրվեց եւս 3 երեխայով:
Կեսարյան հատման եղանակով են լույս աշխարհ եկել փոքրիկները՝ նախատեսված ժամանակից շուտ. 7 ամիս եւ 2 շաբաթ է կրծքի տակ կրել փոքրիկներին մայրը, հետո բժիշկները փորձել են տանել բնական ճանապարհով ծննդաբերության, սակայն չի ստացվել: