Ռուսաստանի չորս շրջաններում՝ Դաղստանում, Ադիգեայում, Ստավրոպոլի և Կրասնոդարի երկրամասերում, անօդաչու թռչող սարքերը հարձակվել են «Օզոն»-ի պահեստների վրա։
Ադիգեայի Օզոնի լոգիստիկ կենտրոնում անօդաչու թռչող սարքի հարձակումը խոշոր հրդեհի պատճառ է դարձել։ Ընկերության տվյալներով՝ աշխատակիցները տարհանվել են։ Նախնական տեղեկությունների համաձայն՝ տուժածներ չկան։ Տեղում աշխատում են արտակարգ ծառայությունները, իսկ պահեստի գործունեությունը կասեցվել է։
Հայտարարվել է, որ կենտրոնից ապրանքները հնարավոր չէ պատվիրել առցանց։ Անվտանգության նկատառումներից ելնելով՝ վաճառողներից առաքումները ժամանակավորապես կդադարեցվեն։
Ընկերությունը հայտնել է, որ Մախաչկալայի «Օզոն»-ի պահեստում, որտեղ հրդեհ է բռնկվել, մի քանի մարդ վիրավորվել է։
Կրասնոդարի երկրամասի նահանգապետ Վենիամին Կոնդրատևն էլ հայտարարել է, որ տարածաշրջանի վրա հարձակման հետևանքով զոհվել է երկու երեխա։ Նա հավելել է, որ «անօդաչու թռչող սարքի բեկորները» ընկել են Կրասնոդարի մասնավոր մանկական կենտրոնի վրա։