Վերջին օրերին տեղացած անձրեւների պատճառով այն փողոցները, որոնցում շինարարություն է ընթանում, դարձել են անանցանելի, ինչն էլ առաջացրել է գյումրեցիների դժգոհությունները: Անսպասելի եղանակային փոփոխությունների պատճառով տեղաշարժվելը մի շարք փողոցներում դարձել է անհնար: Բողոքներին ու դժգոհություններին ի պատասխան` Գյումրու համայնքապետի տեղակալ Ռուբեն Սանոյանը շինկազմակերպությունների ղեկավարներին հրավիրել էր քննարկման։ Պահանջը մեկն է` կարճ ժամկետներում վերացնել բնակիչների տեղաշարժի հետ կապված խոչընդոտները։