Ռուսաստանը պատրաստ է տարբեր ձևաչափերով քննարկել հնարավոր բոլոր մտահոգությունները, որոնք Հայաստանը կարող է ունենալ երկկողմ հարաբերությունների հետ կապված՝ հայտարարել է Ռուսաստանի արտաքին գործերի նախարարության պաշտոնական ներկայացուցիչը՝ մեկնաբանելով Հայաստանի դեմ «հիբրիդային պատերազմների» մասին տեղեկությունները։
Մարիա Զախարովայի խոսքով՝ Մոսկվան հիբրիդային պատերազմներ չի վարում և հարգում է ցանկացած ժողովրդի ինքնիշխան ընտրությունը։ Պաշտոնյան հավելել է, թե նման վարքագիծը հատուկ է Արևմուտքին:
Զախարովան վստահեցրել է, որ Ռուսաստանը միշտ եղել և մնում է Հայաստանի հուսալի դաշնակիցը ու միշտ անհապաղ օգնության է հասնում երկրին։ ՌԴ ԱԳՆ խոսնակը հիշեցրել է, որ օրինակ 2024 թվականի հունիսին ռուս մասնագետները վերականգնել են Հայաստանի հյուսիսում ջրհեղեղներից վնասված երկաթուղին։