Միշտ լավ հարաբերություններ եմ ունեցել Վլադիմիր Պուտինի հետ. Թրամփ

Դոնալդ Թրամփը նաև տեղեկացրել է, որ ցանկանում է զրուցել Ռուսաստանի նախագահի հետ: ԱՄՆ նախագահը հայտարարել է՝ միշտ «լավ հարաբերություններ» է ունեցել Վլադիմիր Պուտինի հետ։

«Ես ցանկանում եմ, որ այդ պատերազմն ավարտվի»,- շեշտել է ԱՄՆ նախագահը:

Թրամփը հավելել է, որ հաջորդ շաբաթ մտադիր է հանդիպել Ուկրաինայի նախագահի հետ: Հանդիպման օրակարգում է լինելու նաև ամերիկյան աջակցության դիմաց ուկրաինական հազվագյուտ մետաղներով վճարելու հարցը:

Թրամփը մանրամասներ է հայտնել ռուս-ուկրաինական պատերազմի ընթացքում կողմերի կորուստների մասին:

Նրա խոսքով՝ ռուսական կողմի զոհերի և վիրավորների թիվը հասնում է 900.000-ի, ուկրաինական կողմինը՝ 700.000-ի:

Ավելի վաղ՝ Զելենսկին հայտնել էր, որ 2022 թվականի փետրվարի 24-ից ի վեր զոհվել է 45.000 ուկրաինացի զինվորական, վիրավորվել՝ շուրջ 390.000-ը, իսկ ռուսական կողմի զոհերի թիվը հասնում է 350.000-ի, վիրավորներինը՝ 700.000-ի:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում