Ճամայկայում և Կուբայում արձանագրված «Մելիսա» փոթորիկը դարձել է ամենահզորը վերջին 90 տարվա ընթացքում։ «Արմենպրես»-ի փոխանցմամբ՝ այս մասին հայտնում է «Ֆրանս-պրես»-ը՝ հղում անելով մետեովերլուծության տվյալներին։
«Մելիսա»-ն կրկնել է 1935 թվականին ափերին հասած ամենահզոր փոթորկի ռեկորդը»,- նշում է գործակալությունը։
«Ֆրանս-պրես»-ը հիշեցնում է, որ 1935 թվականին փոթորիկն ավերել էր Ֆլորիդայի ափերը՝ 300 կմ/ժ արագությամբ։
Ըստ կանխատեսումների՝ փոթորիկը հոկտեմբերի 29-ին կհասնի Բահամյան կղզիներ, իսկ հոկտեմբերի 30-ին՝ Բերմուդյան կղզիներ։
Հոկտեմբերի 28-ին փոթորիկը մոլեգնել է Ճամայկայում, որտեղ առնվազն 3 մարդ էր զոհվել, հարյուր հազարավոր մարդիկ մնացել էին առանց էլեկտրականության։ Ճամայկայի վարչապետ Էնդրյու Հոլնեսը երկրում արտակարգ դրություն էր հայտարարել։
Հայիթիում փոթորիկի զոհ է դարձել երեք, Դոմինիկյան Հանրապետությունում՝ մեկ մարդ։