Մասնավոր ապահովագրական ընկերություններից մեկը նման անպատշաճ մրցակցության դրսևորում հանդիսացող նյութեր է տարածում:
Այս մասին սոցցանցի իր էջում հայտնել է Առողջապահության նախարար Անահիտ Ավանեսյանը՝ գրելով.
«Խորհուրդ ենք տալիս զերծ մնալ նման գործելաոճից և եթե հաճախորդներին գրավելու ձևը սուտն է, ապա լավ չի ձեր վիճակը:
Պետական ապահովագրական համակարգը զարգացման մեծ խթան է նաև ձեր համար և ավելի լավ է այդ ճանապարհը ընտրեք և ոչ թե պայքարեք պետության դեմ:
Ասեմ նաև, որ ապահովագրական ընկերությունների մեծ մասն արդեն իսկ նոր ու շատ հարմարավետ պլյուս փաթեթներ են կազմել և վստահաբար հաջողություններ են գրանցելու»: