ԶԼՄ-ների ուշադրության կենտրոնում ՄԱԿ-ի գլխավոր քարտուղարի ընտրությունն է: 2026 թվականի դեկտեմբերի 31-ին կազմակերպության ղեկավար Անտոնիու Գուտերեշը կլքի պաշտոնը: Հուլիսին Անվտանգության խորհրդի անդամ պետությունները կանցկացնեն առաջին քվեարկությունը՝ նրա իրավահաջորդին ընտրելու համար: Հայտարարված հինգ թեկնածուն են՝ Ռաֆայել Գրոսսին, Միշել Բաչելետը, Մարիա Ֆեռնանդա Էսպինոսան, Մաքի Սալը և Ռեբեկա Գրինսպանը: Անկախ նրանից, թե ով կստանձնի կազմակերպության ղեկավարությունը, նրան լուրջ խնդիրներ են սպասում:
Ժնևում ՄԱԿ-ի Ազգերի պալատի վերանորոգումը հինգ տարի ուշացել է ժամանակացույցից, իսկ Նյու Յորքի գլխավոր շենքում անջատվում են շարժասանդուղքները՝ գումար խնայելու համար: Հունվարին էլ Գուտերեշը հայտարարել է, որ կազմակերպությունը գնում է սնանկացման:
ՄԱԿ-ի գլխավոր քարտուղարի ընտրության ընթացակարգը հիմնված է մի շարք կանոնների վրա՝ թե՛ պաշտոնական, թե՛ ավանդական: Վերջինս նախատեսում է ռոտացիա. եվրոպացի առաջնորդ Գուտերեշից հետո հաջորդ մայրցամաքը, որը կստանձնի այդ պաշտոնը, Հարավային Ամերիկան է: Այս անգամ չորս թեկնածուն Լատինամերիկյան երկրների ներկայացուցիչներ են՝ Արգենտինայից Գրոսսին, Էկվադորից Էսպինոսան, Կոստա Ռիկայից Գրինսպանը և Չիլիից Բաչելետը: Նրանց միակ մրցակիցը սենեգալցի Մաքի Սալն է:
Պաշտոնապես հաստատված կանոնների համաձայն՝ հաջորդ գլխավոր քարտուղարը պետք է ստանա Անվտանգության խորհրդի առնվազն ինը անդամի ձայները: Հատուկ կշիռ ունեն խորհրդի մշտական անդամների ձայները, նրանցից ոչ մեկը չպետք է դեմ լինի։