ՄԱԿ-ի Գլխավոր ասամբլեան մտադիր է երկուշաբթի վերսկսված արտահերթ նստաշրջանի շրջանակում քննարկել Ուկրաինայի ֆինանսավորման համար ռուսական սառեցված ակտիվների օգտագործման հարցը, գրում է РИА Новости-ն։
ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին ասել է, որ հանդիպման նախաձեռնողները առաջ են քաշում «Ռուսաստանին պատասխանատվության ենթարկելու մասին» բանաձևի նախագիծը, ներառյալ՝ Ուկրաինային հատուցումները, և փորձում են ստեղծել «մեխանիզմ, որը հաշվետու չի լինի Գլխավոր ասամբլեային»։
«Մեր նախկին արևմտյան գործընկերները Գլխավոր ասամբլեայի միջոցով փորձում են որոշակի օրինականություն հաղորդել Արևմուտքում սառեցված ռուսական ակտիվները յուրացնելու իրենց փորձերին»,- գրել է Պոլյանսկին:
Դիվանագետը նշել է, որ «արևմտյան բլոկը» ցանկանում էր նախագիծն ընդունել առանց նախապես բանավեճերի, սակայն Ռուսաստանը կարողացել է դա կանխել դա։ «Բանավեճեր, այնուամենայնիվ, կլինեն»,- ասել է նա: