Սեպտեմբերի 27-ին՝ ժամը 22:40-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կոշ-Ուջան ավտոճանապարհին տեղի է ունեցել ՃՏՊ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Աշտարակ-Գյումրի ավտոճանապարհի 14-րդ կմ-ին բախվել են Kia և Nissan մակնիշների ավտոմեքենաները։
Փրկարարները Kia մակնիշի ավտոմեքենայի ուղևորին մոտեցրել են շտապօգնությանը, հոսանքազրկել են ավտոմեքենաները և փակել Nissan մակնիշի ավտոմեքենայի գազի բալոնի փականը։
Kia մակնիշի ավտոմեքենայի վարորդը և երկու ուղևորները հոսպիտալացվել են բժշկական կենտրոն։