Հունվարի 26-ին, ժամը 15:36-ին Շիրակի մարզային ճգնաժամային կառավարման կենտրոն ահազանգ է ստացվել, որ Գյումրի քաղաքի Շիրակացու փողոցի տներից մեկի տանիքում հրդեհ է բռնկվել:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։
Պարզվել է, որ հրդեհը բռնկվել է վագոն-տնակում և հարակից շինությունում։
Հրդեհը մեկուսացվել է ժամը 17:07-ին, մարվել՝ 17:53-ին: Այրվել են շինության տանիքի և վագոն-տնակի փայտե կառուցատարրերը (մոտ 90 քմ)։