Հարձակումը պետք է անհապաղ դադարեցվի. Մակրոնը դատապարտել է Ադրբեջանի կողմից ԼՂ-ում ուժի կիրառումը

Ֆրանսիայի նախագահ Էմանուել Մակրոնը X-ի իր էջում անդրադարձել է ԼՂ դեմ ադրբեջանական ռազմական ագրեսիային՝ դատապարտելով այն:

«Լեռնային Ղարաբաղում Ադրբեջանի կողմից ուժի կիրառման վճռականորեն դատապարտում եմ: Հարձակումը պետք է անհապաղ դադարեցվի, պետք է վերսկսվեն քննարկումները բնակիչների անվտանգության ու իրավունքների շուրջ: Ես սերտ կապի մեջ եմ վարչապետ Փաշինյանի հետ»,- գրել է նա: