Շիրակի մարզի առաջին ատյանի ընդհանուր իրավասության դատարանի դահլիճում 21-ամյա Զարզանդ Մանուկյանի սպանության գործով դատական վիճաբանության փուլն է տեղի ունեցել:
Հիշեցնենք, որ 2020 թվականի մայիսի 27-ին Մարմաշենի ֆուտբոլի դաշտում ֆուտբոլ էին խաղացել Մարմաշենի ու Վահրամաբերդի տղաները, ինչից հետո վիճաբանություն էր սկսվել մարմաշենցի Նորայր Գրիգորյանի ու վահրամաբերդցի Գեւորգ Հովհաննիսյանի միջեւ։ Կռվին հաշտեցման նպատակով հաղորդագրության միջոցով տեղեկացել ու միջամտել էր արդեն Մարմաշեն հասած Զարզանդ Մանուկյանը: