Տառապանքի ձայնից առավել բարձր ու հնչեղ այսօր եռագույներն են ծածանվում՝ հիշեցնում Արտակի, Ալենի, Էդոյի, Արայի ու այս հարյուրավոր տարբեր երազանքերով տղաների միանման ճակատագրերը, աղմկում անցած 4 տարիների ցավի մասին: 2020 թվականի 44-օրյա պատերազմից 4 տարի է անցել, սեպտեմբերի 27-ի վաղ առավոտյան հակառակորդը շփման գծի ողջ երկայնքով լայնածավալ հարձակում սկսեց: Հայրենի հողին անդավաճան մնալու երդումին հավատարիմ տղաները զոհեցին ամեն ինչ, որ հանկարծ հայրենիքը զոհասեղանին չհայտնվեր: