Հուլիսի 16-ին ոստիկանության Արմավիրի բաժնի համայնքային ոստիկանները տեղեկություն ստացան. Արմավիր բնակավայրի 40-ամյա մի բնակիչ աճեցնում է կանեփ և պահում դրանից պատրաստված թմրամիջոց: Տեղեկություն կար նաև, որ նա ապօրինի պահում է ռազմամթերք:
Նախաձեռնվեց քրեական վարույթ: Խուզարկություն կատարվեց 40-ամյա տղամարդու տանը և տնամերձում գտնվող շինությունում:
Հայտնաբերվեցին տարբեր քաշերի կանեփանման զանգվածներ, մեկ նռնակ՝ առանց պայթուցիչի, 1 կգ-ից ավելի պայթուցիկ նյութ, ինքնաձիգի փամփուշտ, իսկ հողամասում՝ կանեփի բույսեր:
Կատարվում է նախաքննություն: Հանգամանքները պարզվում են:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: