«Համմերի» 25-ամյա վարորդը կալանավորվել է. ոստիկանների գործողությունների վերաբերյալ ծառայողական քննություն է սկսվել

Հանրապետության հրապարակում պարեկներին չենթարկվող «Համմերի» 25-ամյա վարորդը կալանավորվել է: Տեղեկությունը «Լուրեր»-ին հայտնել է Քննչական կոմիտեի մամուլի խոսնակ Գոռ Աբրահամյանը:

25-ամյա երիտասարդը մեղադրվում է խոշոր չափի գույք ոչնչացնելու, խուլիգանություն կատարելու, խոշոր չափի թմրամիջոց իրացնելու, պաշտոնատար անձի ծառայողական գործունեությանը միջամտելու համար:

Ըստ իրավապահների՝ վարորդը խախտել է երթևեկության կանոնները, մեքենան վարել է ոստիկանների և քաղաքացիական անձանց ուղղությամբ, վնասել 11 մեքենա:

Ներքին գործերի նախարարությունից «Լուրեր»-ին հայտնել են, որ ոստիկանների գործողությունների վերաբերյալ ծառայողական քննություն է սկսվել:

Related posts

Հունահռոմեական ոճի ըմբշամարտի Հայաստանի պատանեկան հավաքականը թիմային հաշվարկում առաջինն է

Ըմբիշ Հայկ Մանուկյանը՝ Եվրոպայի չեմպիոն

31 համարի ավտոբուսի վարորդը բռնության է ենթարկվել երկու անձանց կողմից․ դեպքի վերաբերյալ հաղորդում է ներկայացվել ոստիկանություն