Գյումրու համայնքապետարանը` ի դեմս համայնքի ղեկավար Վարդգես Սամսոնյանի, «Դեպի առաջ» բարեգործական հասարակական կազմակերպությունը՝ ի դեմս կազմակերպության համահիմնադիր Փիթր Աբաջյանի, կնքեցին համագործակցության հուշագիր, որով նախատեսվում է համագործակցել սոցիալ-կրթական եւ արտադրական ոլորտներում։
Գյումրու համայնքապետարանը պարտավորվում է հատկացնել անավարտ բազմաբնակարան շենք եւ օրենքով իրեն վերապահված լիազորությունների շրջանակներում աջակցել ու օժանդակել հատկացված բազմաբնակարան շենքի լրակառուցման շինարարական աշխատանքներին եւ անհրաժեշտ փաստաթղթերի տրամադրման գործընթացին: