Շիրակի մարզպետարանի նիստերի դահլիճում մարզի դպրոցների աշակերտներն են, որոնք 2021-2022 ուստարվա հանրապետական օլիմպիադայում լավ արդյունք են ցուցաբերել: Մարզպետի խոսքով՝ այս անգամ եւս շիրակցի դպրոցականները կարողացել են առաջատարների շարքերում լինել: Առարկայական օլիմպիադաների դպրոցական փուլին մասնակցել է 3605 աշակերտ, մարզային փուլ անցել` 481-ը։ Հանրապետական փուլին մասնակցել են 62 աշակերտ, որից պարգեւատրվել են 51-ը, ունենք 4 առաջին կարգի, 11` երկրորդ, 12` երրորդ կարգի դիպլոմակիրներ եւ 24 գովասանագրի արժանացածներ: Այս ամենը վկայությունն է այն բանի, որ կրթությունը ուժ է եւ կրթվելը մշտապես է արդիական: