Կրեմլը կտրականապես համաձայն չէ Հայաստանի վարչապետ Նիկոլ Փաշինյանի հետ՝ ՀԱՊԿ-ի վերաբերյալ նրա գնահատականի հարցում: «Կազմակերպությունը որևէ վտանգ չի ներկայացնում Հայաստանի ինքնիշխանության համար»,- ասել է ՌԴ նախագահի մամուլի քարտուղար Դմիտրի Պեսկովը։
«ՀԱՊԿ-ից որևէ վտանգ չի կարող բխել և չի բխում Հայաստանի ինքնիշխանության համար։ Ընդհակառակը, այդ կազմակերպությունը պաշտպանում է անդամ պետությունների ինքնիշխանությունը։ Մենք այդ դիրքորոշումը համբերատար կհասցնենք Հայաստանի ղեկավարությանը»,- ասել է նա լրագրողներին։
Պեսկովի խոսքով՝ Հայաստանի հետ շփումները կշարունակվեն, քանի որ Երևանը մոտ գործընկեր է։