ՀՀ Արագածոտնի մարզի Աշտարակ համայնքի Կոշ գյուղում գտնվող անշարժ գույքի մի մասը, 01.02.2023 թ. հանձնման-ընդունման ակտի համաձայն, ամրացվել է ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեին, իսկ մյուս մասը դեռևս ամրացված է ՀՀ արդարադատության նախարարությանը, ինչով էլ պայմանավորված՝ անհրաժեշտություն է առաջացել նաև փոփոխություն կատարել համապատասխան որոշման մեջ, որն ընդունվեց Կառավարության հունվարի 11-ի նիստին:
Հաշվի առնելով, որ վերը նշված անշարժ գույքը չի օգտագործվել 2022 թվականի հունվարի 1-ից ի վեր` ՀՀ պաշտպանության նախարարությունը գրությամբ դիմել է Կոմիտե՝ «Կոշ» քրեակատարողական հիմնարկի տարածքը և դրանում տեղակայված շենք-շինությունները տրամադրել ՀՀ զինված ուժերի կարիքների համար օգտագործելու նպատակով, այն է՝ ուսումնական զորամաս ստեղծելու համար: